САКАЛ ДА ВЛЕЗЕ ВО ДВА СТАНА ВО АЕРОДРОМ Сосетка го оттурнала, полицијата брзо го привела скопјанецот
30-годишен скопјанец се обидел да влезе во два стана во Аеродром, но бил спречен од една од станарките, по што полицијата го привела.
Триесетгодишен скопјанец е приведен откако, според пријавата во полиција, се обидел да влезе во два стана во скопската населба Аеродром.
Од Министерството за внатрешни работи информираат дека на 17 јуни околу 15:20 часот, полициски службеници од СВР Скопје го лишиле од слобода А.А. (30) од Скопје.
Можеби ќе ве интересира
Според пријавеното, околу 14 часот тој се обидел да влезе во стан на 33-годишна жена. Набргу потоа се обидел да влезе и во станот на нејзината 34-годишна сосетка, која успеала да го оттурне и да го спречи да влезе.
По пријавата, полицијата презела мерки и го пронашла осомничениот, по што бил приведен.
Од МВР велат дека се работи на целосно расчистување на случајот, а по неговото документирање ќе биде поднесен соодветен поднесок.