📽️ ПОГОДЕНО ЕДНО ОД СВЕТИЛИШТАТА НА КИЕВ Најмалку 4 загинати во масовниот руски напад
Најмалку 4 лица загинаа, а 23 се повредени во ноќниот напад врз Киев. Меѓу погодените објекти е и Успенската катедрала во Киево-Печерската лавра, светилиште под заштита на УНЕСКО и едно од најзначајните места во украинската историја и православието.
Русија изврши нов масовен напад врз Киев со ракети и беспилотни летала. Беше погодена и Киево-Печерската лавра, еден од најпрепознатливите симболи на украинската духовност и култура.
Според украинските власти, најмалку 4 лица загинале, а 23 се повредени, меѓу нив дете и бремена жена.
Нападнати биле и повеќе станбени згради во различни делови на главниот град.
– Гори покривот на едно од најсветите места во христијанскиот свет. Ова е уште едно руско злосторство против човештвото, историјата и христијанството – порача митрополитот Епифаниј, поглавар на Православната црква на Украина.
❗️🇺🇦 Just a horror: this is what Kyiv-Pechersk Lavra looks like now. pic.twitter.com/KMUZOOs4ga
— The Ukrainian Review (@UkrReview) June 14, 2026
Според украинските воздухопловни сили, Русија лансирала повеќе од 50 ракети, меѓу кои и хиперсонични ракети „Циркон“, како и речиси 500 дронови.
Градските власти соопштија дека биле погодени повеќе од 50 локации низ Киев. Избувнале десетици пожари, а околу 140.000 корисници останале без електрична енергија.
Kyiv-Pechersk Lavra 💔 pic.twitter.com/uIk15v6F1V
— Kate from Kharkiv (@BohuslavskaKate) June 14, 2026
Напади биле регистрирани и во Харков, каде загинале 5 припадници на службите за итни случаи.
Киево-Печерската лавра е манастирски комплекс основан во 11 век и се наоѓа на листата на светско наследство на УНЕСКО. Ова е втор пат од почетокот на руската инвазија комплексот да биде погоден и само трет пат од Втората светска војна наваму.