ПИНТЕРЕСТ И АЛЕФ ГО ПРОШИРИЈА ПРИСУСТВОТО НА НОВИ ПАЗАРИ Можност и за огласувачите од Македонија

Алеф објави проширување на нивното продажно партнерство со Пинтерест, проширувајќи ја поддршката на балканскиот и балтичкиот регион. Огласувачите во Бугарија, Хрватска, Латвија, Северна Македонија и во Србија сега можат да ја искористат локалната експертиза на Алеф во дигитално рекламирање на Пинтерест, водечка платформа за визуелно пребарување и откривање со над половина милијарда глобални месечни активни корисници.

Пинтерест стана главна дестинација за брендовите кои сакаат да се поврзат со потрошувачите кои активно бараат да купуваат. Со својот фокус на визуелно откривање и инспирација, Пинтерест обезбедува уникатна средина каде корисниците се длабоко инволвирани со содржината. Преку партнерството со Алеф, брендовите можат да ја искористат експертизата на специјализираните тимови со длабоко разбирање на рекламните решенија на Пинтерест. Оваа комбинација на експертиза на платформата и локално знаење им овозможува на бизнисите да креираат високоефективни кампањи кои резонираат со ангажираната публика на Пинтерест и поттикнуваат продажба.

Мартин Мачинандиарена, извршен директор на продажба во Пинтерест, коментираше:

– Додека продолжуваме да инвестираме во нашиот меѓународен раст, возбудени сме што ја прошируваме понудата на Пинтерест за огласувачите на Балканот и Балтикот преку нашето партнерство со Алеф. Пинтерест е дом на инспирација за купување и сега брендовите на овие пазари ќе можат да допрат до милиони корисници кои бараат да откријат нови идеи и да ги претворат тие идеи во купувања.

– Ние сме воодушевени што го прошируваме нашето партнерство со Пинтерест за да им помогнеме на огласувачите да се поврзат со клиентите кои бараат да бидат инспирирани и да купуваат на платформата. Способноста да се рекламира на Пинтерест на овие пазари ќе отвори голема можност за брендовите и трговците на мало да допрат до нови клиенти – рече Раде Тричковиќ, регионален директор во Алеф.

Алеф првпат започна соработка со Пинтерест во 2024 година за да им помогне на брендовите да започнат интернационални рекламни кампањи на платформата на клучните пазари низ Азиско-пацифичкиот регион, ЕМЕА и во Латинска Америка.