НИКОГАШ НЕ Е КАСНО Дипломирал на 98 години

Џузепе Патерно на 98 години, стана највозрасниот студент во Италија, кој добил диплома за завршено високо образование.

Патерно ја додаде и магистерската диплома по историја и филозофија од Универзитетот во Палермо, на својата почетна диплома во истите области што ги заврши пред две години.

-Последниот испит повторно го положи со највисоки оценки –  објави гордо неговото семејство на социјлните мрежи.

Неговиот план по дипломирањето е да напише роман. Роден 1923 година, Патерно израснал во сиромашно семејство на Сицилија. Но, покрај љубовта кон книгите и учењето, тој како помлад не можел да оди на универзитет.

Наместо тоа, тој служел во морнарицата за време на Втората светска војна, на 20-годишна возраст, а подоцна работел во железницата во Италија.