МИЛОШОСКИ И ФИЛКОВ ИМАА ЛОШ ДЕН Мицкоски тврди дека коалицијата е стабилна
За вчерашната кавга помеѓу пратеникот Антонио Милошоски од ВМРО-ДПМНЕ и актуелниот министер за правда од редовите на ЗНАМ, Игор Филков, премиерот Христијан Мицкоски денеска рече дека и двајцата имаат право да имаат лош ден.
– Владината коалиција е стабилна. Пратеникот Антонио Милошоски е член на Извршниот комитет на партијата и тој е дел од мојот најблизок периметар. Соработката со него ја оценувам на највисоко ниво. Од друга страна, знам со какви проблеми се соочува министерот Филков, но она што можев да го заклучам е дека секој има право на лош ден, а јас мислам дека лошиот ден помина и за Милошоски и за Филков. Граѓаните да бидат спокојни, Владата е стабилна – порача премиерот.
За членот на обезбедување Ангел Сарамаков, пак, кој во моментов е во притвор поради основи на сомневање дека издавал државни тајни, Мицкоски призна дека бил назначен за обезбедување откако бил избран за премиер
– Мора да признаете дека ова не било случај во минатото, се сеќаваме на многу такви „јунаци“ кои беа во близина на премиерите, кои палеа и жареа низ Македонија и кои беа страв и трепет за луѓето. Јавна тајна беше дека тие се оние кои во сенка ги вршат валканите работи во име на тогашните премиери. Но, јас како човек сакам да испратам јасна порака до граѓаните дека кој и да е, доколку ја изневери довербата на граѓаните, ќе биде најжестоко санкциониран. И брат да ми е, и сестра да ми е, и „свети ВМРО“ да е, нема да има милост – рече Мицкоски.
„ЗА КОГО ОДРАБОТУВА КУСУРОТ НА ГРУЕВСКИ?“ Министерот Филков распали по пратеникот Милошоски