Џејн Фонда вежба на 83 години, но нејзината цел е сосема друга ВИДЕО
Легендарната холивудска актерка и активистка Џејн Фонда снимила видео со вежби за социјалната мрежа ТикТок за да ја крене свеста за климатските промени.
На видеото Џејн најпрво ги повикала сите да ѝ се придружат во вежбањето и покажала како со леснотија и во 83-тата година од животот ги изведува вежбите.
Но, тогаш таа го запре видеото велејќи дека фитнесот деновиве им е достапен на сите преку телевизија и компјутер.
„Знаете што, има премногу видеа за вежбање на телевизија и на интернет во моментов. Она што навистина сакам да го направите е да вежбате со мене за планетата. Се случуа климатска криза е вистински итен случај. Без разлика дали тоа ќе го правите на каучот или на простирката за јога, дали ќе ми се придружите на виртуелен протест? На иднината ѝ требате, мене ми требате“, ги повика Џејн нејзините следбеници.
Актерката во октомври 2019 година организираше протест наречен „ Fire Drill Fridays“ за да ги посочи климатските промени, а таа година беше и уапсена за протестирање пред зградата на американскиот Конгрес.
@janefondaHello Tik Tok! I’m bringing back the Jane Fonda Workout to fight the climate crisis. Join ##firedrillfriday 4/3 @ 11AMPT ##happyathome ##indoorworkout