БОРДО ПРЕД ЕВАКУАЦИЈА, ПЕКОЛНИОТ ПОЖАР КАЈ МАДРИД ДЕЛУМНО ПОД КОНТРОЛА Франција и Шпанија со сите сили се борат против огромните пожари
Во двете земји досега се евакуирани повеќе од 320.000 луѓе.
Катастрофалните пожари продолжуваат да се шират во Франција и во Шпанија, а властите предупредуваат дека ситуацијата останува многу сериозна.
Едно лице загина во пожарот во близина на Валенсија во источна Шпанија.
Во Шпанија, најкритичните области се Мадрид, Авила и Толедо, каде што пожарите сè уште не се под контрола и зависат од временските услови. Пожарот продолжува да се шири кон Мадрид.
🇪🇸 #Spain #Madrid #MadridFire #MadridWildfire #Fire #Europe: The incredible images left by the devastating wildfires ravaging Spain: from Madrid to Ávila: Madrid, under fire; This is how the devastating fires look from the air
The wildfires raging in Madrid and Ávila have… pic.twitter.com/ij6dkrHFwT
— 🌐World News 24 🌍🌎🌏 (@DailyWorld24) July 25, 2026
Шпанската воена единица за итни случаи, објави дека некои делови од пожарот во близина на Мадрид се ставен под контрола и дека повеќе нема отворен пламен.
Потполковникот Алфонсо Арибас изјави дека имало „добар напредок“ во последните часови по нестабилното попладне.
– Целиот фронт е под контрола, само неколку жаришта се уште активни и работиме на нив. Се надеваме дека денешните услови ќе ни дозволат да работиме – рече тој.
Арибас додаде дека пожарот е голем и дека состојбата варира од област до област.
– Постојат делови кои се ставени под контрола и каде што повеќе нема отворен пламен, други кои се активни и трети, кои се некаде помеѓу. Ги пренасочуваме нашите напори во зависност од ситуацијата во одредена област – објасни тој.
Според Арибас, пожарот во близина на Алморокс е значително локализиран и не ја преминал границата помеѓу Мадрид и Кастиља-Ла Манча.
– Стабилно е, но мора да продолжиме со нашите напори – рече тој.
Додаде дека, барем до пладне, не се очекуваат нови евакуации.
A long and difficult night passed as a large wildfire forced the evacuation of 16,000 people in La Vall d’Uixo, Castellón Province, Valencia, Spain. pic.twitter.com/CqDMfpyBri
— Weather Monitor (@WeatherMonitors) July 26, 2026
Големиот пожар кој брзо се шири во шпанскиот регион Валенсија принуди евакуација на околу 16.000 жители на градот Ла Вал д’Уихо во покраината Кастељон. Овој пожар сè уште не е под контрола, а зафаќа подрачје на 15 општини.
Во Франција, пожарот во Жиронда се приближува кон областа Бордо, а досега опустоши околу 42.000 хектари.
⚡️🔥 RECAP | Le feu en Gironde en 4 jours :
Mercredi → petit départ de feu
Jeudi → milliers de personnes évacuées
Vendredi → 110 000 personnes doivent fuir
Samedi → le feu avance vers BordeauxL’armée est maintenant en renfort.
Les vidéos sont impressionnantes et… pic.twitter.com/QpxjaN09pI
— AlertesNewsFR (@AlertesNewsFR24) July 25, 2026
Земјоделците од покраината Жиронда се приклучија во борбата против големиот пожар што ја пустоши југозападна Франција.
Des dizaines de tracteurs affluent vers Bordeaux avec des citernes pour prêter main forte aux pompiers. C’est ça, la France ! ❤️🇲🇫 pic.twitter.com/BsSyAZcERn
— Maud Koffler (@MaudPK) July 25, 2026
Додека пожарникарите се борат со пожарот на неколку фронтови, локалните земјоделци им помагаат со својата механизација, цистерни и трактори. Тие учествуваат во испораката на вода, ги чистат пристапните патишта и создаваат противпожарни појаси, со цел да се забави ширењето на пожарот.
Нивната помош е особено важна во руралните средини, каде што пожарите им се закануваат на куќите, фармите и земјоделското земјиште. Властите нагласуваат дека соработката на пожарникарите, армијата, безбедносните служби и локалното население е клучна во обидот за локализирање на пожарот.
Портпаролот на Бордо изјави дека градот моментално разгледува сценарија за сите можни насоки на развој на пожарот.
Ова вклучува и можност за целосна евакуација на Бордо доколку е потребно.
Чадот од пожарот силно се чувствува во градот, а квалитетот на воздухот е сериозно влошен.
Досега повеќе од 320.000 луѓе се евакуирани во Франција и во Шпанија.