🎥 НЕМИРИ ВО ТИРАНА • ЗАПАЛЕНИ ДВЕ МИНИСТЕРСТВА, СИЛНИ СУДИРИ МЕЃУ ДЕМОНСТРАНТИТЕ И ПОЛИЦИЈАТА Се бара оставка од премиерот Еди Рама
Десетици илјади студенти на вториот ден од жестоките протести поради лошите услови за образование ги запалија објектите на Министерството за образование и на Министерството за правда и најавија дека протестите ќе продолжат.
Десетици илјади студенти излегоа во средата на улиците на Тирана, запалија повеќе владини згради и две банки и жестоко се судрија со полицијата, на вториот ден од протестите против високите трошоци за образование и против корупцијата.
Демонстрантите бараат оставка од премиерот на Албанија, Еди Рама.
Протестите ескалираа вечерва, кога е запалена зградата на Министерството за правда, откако претходно демонстрантите ги искршиле прозорците на приземјето.
Police lines in Tirana appear to have collapsed as protesters manage to seize officers’ gear. Flames have also engulfed the Ministry of Justice.
PM Rama loyalists, such as Tourism Minister Blendi Gonxhja, continue to address this critical situation with shocking irresponsibility https://t.co/paL0L1XX2S— Tirana Report (@Tirana_Report) October 14, 2026
Денеска и средношколците им се придружија на демонстрантите и многумина ја бојкотираа наставата. За време на судирите со полицијата попладнево беше запалено приземјето на зградата на Министерството за образование, а пожар избувна и во Градското собрание.
Студентите прво фрлаа камења и други тврди предмети кон зградата на Министерството за образование во Тирана, оштетија тротоари и сообраќајни знаци, превртеа контејнери за отпад , а потоа влегоа во дворот и го запалија приземјето на зградата.
🔴 🇦🇱 ALBANIE
URGENT La situation se dégrade fortement à Tirana. Des étudiants ont envahi l’hôtel de ville après les affrontements au ministère de l’Éducation. Vitres cassées, grilles arrachées, incendies signalés. La police a utilisé gaz lacrymogènes et canons à eau. À suivre. #Albanie #Tirana #FlamingoRevolution
— Geocrises FR (@geocrises) October 14, 2026
Пожарот ја зафати и филијалата на Рајфајзен банка и филијалата на финансиската институција „Иуте кредит“ во близина на Министерството за образование.
Полицијата употреби солзавец и водени топови за да ја растера толпата.
Протести се одржаа и пред седиштето на албанската влада, каде што избувнаа судири меѓу демонстрантите и полицијата. Толпата фрлаше камења и други предмети кон зградата на владата, а полициските сили и тука интервенираа со солзавец и со водени топови.
Запалени се и други згради вечерва во Тирана.
Tirana unrest: Two cube-shaped buildings at the Pyramid complex are burning after protesters targeted the site. One of the buildings houses a café that was also looted. https://t.co/016XuE3S14
— Shqiptarja.com (@shqiptarjacom) October 14, 2026
За време на протестот, полицијата, преку најави и социјални мрежи, ги повика граѓаните на воздржаност и мир, барајќи од нив „веднаш и јасно да се дистанцираат од лицата кои вршат насилство, палат имот и напаѓаат полицајци“.
„Полицијата бара ниту еден учесник да не биде дел или да поддржува насилни и деструктивни акти, ниту да дозволи собирот да се користи како покритие за такви активности“, соопшти полицијата.
Пратениците од Демократската партија, како и претставници на новите опозициски партии, исто така се придружија на протестите, кои досега немаат политичко водство.
Денешните протести се продолжение од вчерашните, кога за време на судирите меѓу демонстрантите и полицијата беа повредени десетици луѓе од двете страни, 16 лица беа уапсени, а покренати се 49 кривични постапки.
🚨🇦🇱 BREAKING: DRAMATIC CLASHES ERUPT BETWEEN POLICE AND DEMONSTRATORS IN TIRANA, ALBANIA
Tensions are escalating in the Albanian capital as police and protesters clash during ongoing demonstrations. Dramatic scenes are unfolding on the streets right now. https://t.co/7VvQKBI1vA
— Anonymous TV 🇺🇦 (@YourAnonTV) October 14, 2026
Се очекува протестите да продолжат, а средношколците најавуваат продолжување на бојкотот на наставата.
Ова се најнасилните протести против корупцијата во Тирана откако почнаа демонстрациите во мај. Ескалацијата на насилството следеше по месеци претежно мирни протести против Рама, кои беа поттикнати од плановите за изградба на луксузен туристички комплекс на недопрениот брег на јужна Албанија.
14/10
2ème jour de révolte des étudiants en Albanie
des locaux du ministère de l’éducation ont été incendiés puis le ministère des Finances a été pris pour cible
les étudiants rejettent la politique du Pdt Rama ainsi que celle de son principal opposant Berisha https://t.co/5ThWP1VxcN
— Charli☀️🦎 (@CharliB97783485) October 14, 2026
Незадоволството кај студентите се однесува на условите на универзитетите, високите трошоци за студирање, недостатокот на финансиска поддршка и тешкотиите во наоѓањето работа по дипломирањето.