🎥 ЗЕЛЕНСКИ НЕ ГО СЛУША ТРАМП, УКРАИНА ПАК НАПАДНА РУСКА РАФИНЕРИЈА Дрон ја погоди рафинеријата во Јарослављ
Американскиот претседател Доналд Трамп во неделата јавно побара од украинскиот претседател Володомир Зеленски да престане со нападите врз руските рафинерии и постројки за производство на дизел, образложувајќи дека намаленото руско производство придонесува за недостиг и повисоки цени на дизелот на светскиот пазар.
Украина продолжи да ги напаѓа руските рафинерии и покрај предупредувањето од американскиот претседател Доналд Трамп да престане да го прави тоа. Украинските сили синоќа ја погодиле рафинеријата во Јарослављ, како и воен аеродром во Ростовската област.
„Синоќа, во заедничка операција на Безбедносната служба на Украина, Силите за беспилотни системи, Разузнавачката служба на Министерството за одбрана и Службата за надворешно разузнавање, била погодена рафинерија за нафта во Јарослав“, објави украинскиот претседател на социјалната мрежа Икс.
Тој додаде дека Безбедносната служба на Украина извршила напад врз воениот аеродром во Ростовската област, при што е потврдена штета врз авиони Ан-12 и два Ан-26, како и на три хеликоптери.
Зеленски, исто така, соопшти дека украинските сили постигнале „добри резултати“ во Црното Море.
Нападот доаѓа во момент кога околу руските рафинерии се отвора нов спор меѓу Вашингтон и Киев. Трамп во неделата јавно побара од Зеленски да престане со нападите врз руските рафинерии и постројки за производство на дизел, образложувајќи дека намаленото руско производство придонесува за недостиг и повисоки цени на дизелот на светскиот пазар. Подоцна Трамп објави дека Русија и Украина се согласиле да не ги напаѓаат енергетските објекти, но нападите продолжија. Зеленски, пак, порача дека Украина би била подготвена да ги запре нападите доколку Москва навистина престане да ја гаѓа украинската критична инфраструктура.
Полска, пак, испрати сосема поинаква порака. Полскиот министер за надворешни работи Радослав Сикорски неодамна во Киев порача дека Украина треба да продолжи со нападите врз руските рафинерии, оценувајќи дека притисокот врз руските ресурси може да придонесе за завршување на војната.
Мета дескрипција: Украина повторно погоди руска рафинерија, објави Зеленски. Трамп бара Киев да престане со нападите, додека Полска ја поддржува украинската кампања против руската нафтена инфраструктура.
На социјалните мрежи се објавени видеа во кои се тврди дека го прикажуваат нападот на рафинеријата во Јарослављ.
🇺🇦🇷🇺 Ataque con drones de Ucrania contra una refinería de petróleo en Yaroslavl, Rusia, esta pasada noche. pic.twitter.com/rnLnANesdi
— Global News ESP (@GlobalNewsESP) September 17, 2026