ЗА КУБЕЊЕ КОСА 4 ГОДИНИ ЗАТВОР, ЗА ЛАСКАРЦИ И ЗА ТЕТОВСКАТА БОЛНИЦА – НУЛА Инсталации во правосудството ги штитат СДСМ и ДУИ
Не може за ќебапи да има 3 години затвор, а за случаи со десетици изгубени човечки животи, граѓаните со години да чекаат конечна правда и истата да не ја дочекаат, вели портпаролот на ВМРО-ДПМНЕ, Валентин Манасиевски.
Ова се двојните аршини на мал дел од македонското правосудство раководено директно од СДСM и ДУИ – за кубење на коса, се добива 4 години затвор, за кражба на 150 ќебапи, 3 години затвор, а за случајот Ласкарци, каде загинаа 16 луѓе, за случајот со модуларната болница, каде загинаа 14 луѓе или пак за случајот Мазут, вреден 167 милиони евра, имаме нула години затвор и нула одговорност, рече денеска портпаролот на ВМРО-ДПМНЕ, Валентин Манасиевски.
– За обичниот граѓанин важи законот, а кога ќе се стигне до луѓето и интересите поврзани со СДСМ и ДУИ, нивните инсталации во правосудството веднаш се ставаат во нивна заштита. Тоа е правдата што ја оставија СДСМ и ДУИ. Затоа граѓаните немаат доверба во правосудството. Не може за ќебапи да има 3 години затвор, а за случаи со десетици изгубени човечки животи, граѓаните со години да чекаат конечна правда и истата да не ја дочекаат – рече тој.
Правосудството не смее да биде штит на СДСМ и на ДУИ, законот мора да важи еднакво за сите, рече Манасиевски.