ПЕКОЛЕН БРАН ЈА ЗАФАЌА МАКЕДОНИЈА Температурите ќе надминат 40 степени, жешко ќе биде и ноќе
УХМР најавува сончево и многу топло време за продолжениот викенд и следната седмица, со дневни температури над 40 степени и тропски ноќи.
Под влијание на топла воздушна маса од југ, за време на продолжениот викенд и во текот на следната седмица времето ќе биде сончево и многу топло, со мала до умерена локална облачност, соопшти Управата за хидрометеоролошки работи (УХМР).
Можеби ќе ве интересира
Според прогнозата, дневната температура насекаде ќе биде над 32 степени Целзиусови, а во одделни места ќе достигне и ќе надмине 40 степени.
Од УХМР предупредуваат дека високите температури ќе се задржат и во текот на ноќта, поради што ќе нема значително разладување.