🎥 ЖЕНА ЗАГИНА, 1.700 ТУРИСТИ ЕВАКУИРАНИ ВО ДОМИНИКАНА Изгоре луксузен хотел на познато летувалиште
Пожарот по тешка борба е ставен под контрола, но причините за неговото избувнување сè уште се истражуваат.
Една жена го загуби животот, а речиси 1.700 туристи во паника се евакуирани поради огромен пожар што избувна вчера во познатото летувалиште Бајахибе во Доминиканската Република.
Одморалиштето „Вива Доминикус Бич бај Виндам“ се наоѓа во Бајахибе, популарна дестинација за американски и меѓународни туристи на југоисточниот брег на Доминиканската Република. Властите објавија дека околу 1.690 туристи морале да бидат евакуирани од одморалиштето во други хотели и блиски станбени објекти поради огромниот пожар.
Жртвата е идентификувана како Франческа Валентино, 46-годишна државјанка на Италија. Според итните служби, три лица се итно пренесени во болница, додека на уште шестмина им е укажана помош на самото место на несреќата, вклучувајќи гости, посетители и членови на спасувачките тимови.
BREAKING:Massive Fire Engulfs Wyndham Viva Dominicus Beach Resort in Dominican Republic – Guests Flee to Beach, Casualties Unknown pic.twitter.com/M5JXsM1s1m
— TaraBull (@TaraBull) June 19, 2026
Снимките објавени на локалните медиуми и социјалните мрежи прикажуваат густи облаци од црн чад како се издигнуваат над карипскиот брег, додека огнените јазици целосно го голтаат покривот на одморалиштето.
🇩🇴 ÚLTIMA HORA: Un fuerte incendio afecta un hotel en la zona turística de Bayahíbe, República Dominicana. Huéspedes y empleados han sido evacuados; las autoridades no reportan víctimas por el momento. pic.twitter.com/IUbIObgMWU
— Alerta Mundial (@AlertaMundoNews) June 19, 2026
„Првичните согледувања укажуваат дека пожарот се проширил со огромна брзина поради лесно запаливата природа на покривните конструкции направени од палмини листови, но и поради силниот ветер“, соопштија од Центарот за итни операции (COE).
Пожарот по тешка борба е ставен под контрола, но причините за неговото избувнување сè уште се истражуваат.
Другиот близок хотел на „Вива Виндам“, „Доминикус Палас“, не бил оштетен од пожарот и работел нормално, соопшти центарот.
Доминиканската Република, позната по своите кристално чисти води и бели песочни плажи, е водечка туристичка дестинација на Карибите. Само во првите пет месеци од годинава, земјата ја посетиле рекордни 5,6 милиони туристи.
❗️A massive fire broke out in a hotel in Bayahíbe, Dominican Republic.
There are no reports of deaths. The victims are receiving assistance.#Bayahíbe #Dominican #DominicanRepublic #fire #Caribbean pic.twitter.com/m0ToTNMBq6
— Slyuda (@theslyuda) June 20, 2026