ИРАН ВЕЌЕ НЕМА НИ ЛИДЕРИ, А ЌЕ НЕМА НИ НУКЛЕАРНО ОРУЖЈЕ Трамп очекува пад на цената на нафтата
Тие немаат морнарица, немаат воздухопловни сили, немаат воздушна одбрана, немаат радар, немаат лидери, но не можеме да им дозволиме да имаат нуклеарно оружје, рече американскиот претседател Доналд Трамп.
САД нема да дозволат Иран да развие нуклеарно оружје, повтори американскиот претседател Доналд Трамп.
– Тие немаат морнарица, немаат воздухопловни сили, немаат воздушна одбрана, немаат радар, немаат лидери. Всушност, и лидерите си заминаа, но не можеме да им дозволиме да имаат нуклеарно оружје – рече Трамп на собир на мали бизниси во Белата куќа.
Неговите изјави доаѓаат откако Централната команда на САД (CENTCOM) објави дека разорувачите со водени ракети на американската морнарица дејствуваат во Заливот, откако поминаа низ Ормускиот Теснец како дел од операцијата „Проект слобода“, чија цел е да обезбеди слободна пловидба на трговските бродови.
Трамп додаде дека очекува високите цени на горивата да се намалат „многу брзо“ по завршувањето на војната со Иран.