ТЕШКО ПОВРЕДЕН ПЕШАК ВО ЦЕНТАР Автомобил удри човек во Скопје
Несреќата се случила на крстосница во центарот на градот, увид изврши полицијата.
Пешак е тешко повреден откако бил удрен од автомобил на крстосницата меѓу булеварите Мито Хаџивасилев – Јасмин и Св. Климент Охридски во Скопје.
Според информациите од полицијата, автомобил „мерцедес“ со скопски регистарски таблички, управуван од 41-годишен возач од Скопје, удрил во 52-годишен пешак.
Можеби ќе ве интересира
Повредениот пешак бил пренесен во Комплекс клиники Мајка Тереза, каде му биле констатирани тешки телесни повреди.
На местото на несреќата извршен бил увид од екипа на СВР Скопје, а се работи на расчистување на околностите под кои се случила сообраќајката.