🎥 НА 11-ГОДИШНИК МУ СЕ СУДИ КАКО НА ВОЗРАСЕН Го застрелал својот очув зашто не му го давал Нинтендото!?
Пукањето со огнено оружје се случило во семејниот дом во местото Данкaнон, Пенсилванија, на роденденот на детето.
11-годишно момче, обвинето дека го убило својот очув во смејниот дом во Пенсилванија, се појави првпат на суд во четвртокот, околу еден месец по трагичниот инцидент. Клејтон Дајц (Clayton Dietz), 11 години, е обвинет како возрасен за убиство на својот очув, 42-годишниот Даглас Дајц (Douglas Dietz). Пукањето со огнено оружје се случило во семејниот дом во местото Данкaнон на роденденот на детето.
Според кривичната евиденција на округот Пери, Дајц се откажал од претходното сослушување на 19 февруари, а случајот е означен како „пренесен на суд“, што значи дека ќе продолжи пред Судот на заедничките жалби (Court of Common Pleas). Во евиденцијата стои дека кауцијата му била одбиена на 13 јануари и дека Дајц останува во затворот на округот Пери.
Локални медиуми известија дека Дајц пристигнал во судницата на округот Пери со лисици и бил опкружен со службеници за социјални работи. Членови на семејството одбиле да даваат коментар по сослушувањето. Меѓутоа, адвокатот на одбраната Дејв Вилсон изјавил дека главна цел му е да издејствува пренесување на случајот во суд за малолетници.
Судските записи наведени од медиумот ги опишуваат настаните што довеле до пукањето. Наводно, момчето се решило на тој чекот откако очувот му го одзел Нинтендото. Родителите му рекле да си легне по полноќ. Тој се налутил, а подоцна станал да го бара своето Нинтендо. Наместо тоа го нашол клучот од сефот со оружјето, кое неговиот татко го поседувал легално. Го отклучил револверот, а потоа го застрелал својот очув. Властите биле повикани во домот кратко по 3 часот наутро на 13 јануари, и Даглас Дајц бил најден на грб со прострелна рана во главата.
🇺🇸 An 11-year-old shot his adoptive father to death because his Nintendo was taken away.
Clayton Dietz’s parents told him to go to bed after midnight. He “got mad,” and went looking for his Nintendo Switch in the gun safe.
Found the keys instead, and found a revolver next.… pic.twitter.com/aBxfGDJDkF
— Mario Nawfal (@MarioNawfal) February 20, 2026