ТРАМП ЌЕ ГО ПОВЛЕЧЕ АГЕНТОТ „ГЕСТАПО ГРЕГИ“ ОД МИНЕСОТА? Контроверзниот Бовино ги водеше и акциите во Чикаго и во Лос Анџелес

Американските медиуми објавија дека се очекува претставникот на операциите на граничната патрола, Грегори Бовино и некои агенти на Службата за имиграција и царини (ИЦЕ) наскоро да заминат од Минеаполис.

Западните медиуми пишуваат и дека Белата куќа драстично го сменила ставот по второто застрелување на човек во Минесота. Портпаролката на Белата куќа изјави дека шефот на САД Доналд Трамп не сака да гледа убивање на американските улици.

Во Минеаполис повеќе денови се одржуваа протести, откако на 7 јануари агент на ИЦЕ ја уби Рене Гуд, а на 24 јануари од припадник на ИЦЕ убиен е Алекс Прити. Администрацијата на Трамп тврди дека агентите пукале во самоодбрана.

Еден повик од Белата куќа

Градоначалникот на Минеаполис, Џејкоб Фреј, по телефонски разговор со претседателот Доналд Трамп, на платформата Икс, објави дека денеска федералните агенти ќе заминат од градот. Но, тој не прецизира колку агенти ќе се повлечат.

Од анонимност до симбол

Само пред една година, претставникот на гранината патрола Грегори Бовино беше име непознато за повеќето Американци. Денес, тој е едно од најпрепознатливите лица на построгата имиграциска политика на администрацијата на претседателот Доналд Трамп.

Сè во врска со него, од неговите тактики на терен како главен командант на граничната патрола до неговиот стил на облекување, беше цел на критики во тековната контроверзност, пишува Си-Ен-Ен.

Униформа, солзавец и камера

Бовино, познат по својата кратка фризура и маслинесто зелена униформа, е виден на улиците на бројни американски градови, како предводи патроли, користи солзавец и се вклучува во вербални конфронтации со критичарите. Тој често се издвојува како еден од ретките федерални службеници кои не носат маска.

 

🚨HUGE: We can now confirm Gregory Bovino has been REMOVED from his role as Border Patrol “commander at large,” and it gets worse.

He was just notified he has lost access to his DHS social media accounts which he used to respond to people who criticized him over Pretti’s death.… pic.twitter.com/VpFN3gW0p2

— CALL TO ACTIVISM (@CalltoActivism) January 27, 2026

Моќта на социјалните мрежи

Тој е познат на социјалните мрежи по објавувањето фотографии и видеа на кои ја слави решителноста на агентите на граничната патрола во извршувањето на нивните задачи. Неговото присуство на подиумот и на екраните станува сè почесто, а во моментов се јавува од Минеаполис.

Изјави по истрелите

Токму таму тој со часови даваше изјави во саботата откако агент на граничната патрола застрела и уби човек. Тој им рече на новинарите дека полицајците дејствувале според нивната обука кога се соочиле со вооружен осомничен кој, како што тврдеше тој, „намерно тргнал да масакрира полицајци“.

Разговори што менуваат терен

Најавите дека Бовино ќе замине од Минеаполис уследија откако Трамп изјави дека телефонски разговарал со гувернерот на Минесота, Тим Волц. За американскиот претседател тоа било „многу добар разговор“, додека Волц наведе дека разговорот бил продуктивен и оти Трамп се согласил да размисли за намалување на бројот на федерални агенти распоредени во Минесота.

Тактика што гори

Спроведувањето на антиимигрантските политики на Доналд Трамп во Минеаполис му донесе на Грегори Бовино повеќе внимание отколку што очекуваше.

Употребата на огнено оружје во апсењата и убиствата на Алекс Прети и Рене Гуд од страна на офицерите на ИЦЕ е само дел од она што Бовино го нарекува тактика „сврти и запали“ (turn and burn).

Контроверзен имиџ и прекар

Сепак, неговиот изглед и долгиот капут што потсетуваат на оние што ги носеле офицерите на германската армија и СС за време на Втората светска војна, како и неговата донекаде контроверзна симболика, честопати придружена со гестови што личат на нацистички поздрави и гестови, му го донесоа на Бовино прекарот „Гестапо Греги“.

 

Imitando la vestimenta de un oficial de las SS, el jefe de la Guardia Fronteriza racista de Trump, Gregory Bovino, apareció hoy rodeado de esbirros en las protestas de Minneapolis, ordenando más represión.

La historia se repite 2 veces, primero como tragedia y luego como farsa. pic.twitter.com/tnFTXcEQnB

— Daniel Mayakovski (@DaniMayakovski) January 17, 2026

Корени од Италија, пат во системот

Бовино имал богата и успешна кариера, во која брзо се искачил во редовите на американската гранична патрола. Сепак, дури и американските медиуми имаат многу малку информации за приватниот живот на шефот на ИЦЕ за Минеаполис.

Она што е познато е дека неговите прадедо и прабаба емигрирале од италијанскиот регион Калабрија во Пенсилванија во 1909 година, што изгледа доста парадоксално во однос на сегашниот ангажман на Бовино.

Алкохолот, сенка во семејството на Бовино?

Од друга страна, написите во „Чикаго Сан-Тајмс“ и „Дејли Меил“ споменуваат „трагична семејна тајна“ во која е вклучен неговиот татко. Мајкл Бовино се борел со алкохолизам, а кога Грег имал околу 14 години, неговиот татко се преселил во Ново Мексико, оставајќи го Грег во Северна Каролина со преостанатото семејство.

Пресврт во кариерата

Пресвртната точка во кариерата на Грегори Бовино дојде со враќањето на Трамп во Белата куќа во јануари 2025 година и спроведувањето на она што тој го нарече негова антиимигрантска политика за време на кампањата.

Бовино беше избран за вонредна улога, именуван за „Командант на граничната патрола“, позиција која немаше јасна правна дефиниција, но му даде значителна оперативна автономија.

Мидвеј Блиц во Чикаго, рации во Лос Анџелес

Известувајќи директно до секретарката за внатрешна безбедност Кристи Ноем, Бовино го надгледуваше „Мидвеј Блиц“ во Чикаго и голема серија рации во Лос Анџелес.

На почетокот на 2026 година, видливоста на Бовино експлодираше за време на операциите предводени од ИЦЕ во Минеаполис, Минесота. Федералните агенти извршија илјадници апсења, таргетирајќи лица за кои се тврди дека се нелегално во земјата.