„ВАШИНГТОН ПОСТ“ МОРА ДА ЈА ВРАТИ НАЗАД КОЛУМНИСТКАТА Арбитер одлучи дека коментарите за Чарли Кирк не се причина за отказ

Колумнистката на „Вашингтон пост“ Карен Атија го добила спорот против весникот во арбитражна постапка, пишуваат западните медиуми. Таа била отпуштена по коментари за убиството на конзервативниот активист Чарли Кирк.

Арбитерката пресудила дека весникот немал „добра и доволна причина“ да ја отпушти Атија. „Вашингтон пост“ мора да ја врати на работа и да ѝ ги исплати заостанатите плати.

Атија била отпуштена по коментарите што ги објавила на „Блускај“ на 10 септември. Тоа бил денот кога Кирк бил убиен.

Таа во колумна го бранела своето „одбивање да си ја корнеме косата и да се посипуваме со пепел во демонстративна жалост за белец (Чарли Кирк) кој застапуваше насилство“.

„Возвратив и го добив спорот“

Атија ја поздравила арбитражната одлука на „Блускај“.

„Откако „Вашингтон пост“ ме отпушти минатата година затоа што ја зборував вистината по убиството на Чарли Кирк, возвратив. И среќна сум што можам да објавам дека го добив спорот против „Вашингтон пост“. Наложено им е веднаш да ме врати на работа“, напишала таа.

„Вашингтон пост“ тврдеше дека нејзините изјави го нарушиле „интегритетот“ на весникот. Редакцијата сметала дека таа ги прекршила и стандардите за однесување на социјалните мрежи.

Арбитерката, сепак, утврдила дека весникот не докажал тешка повреда на работните обврски.

Атија го оспорила отказот повикувајќи се на колективниот договор. Тврдела дека објавите биле дел од нејзината работа како колумнистка и дека весникот ја прекршил сопствената политика.