ЃОКОВИЌ СЕ ПЛАСИРАШЕ ВО ТРЕТОТО КОЛО Следен противник му е Ботик ван де Зандшулп од Холандија
Српскиот тенисер Новак Ѓоковиќ рано утрово го победи Италијанецот Франческо Маестрели во второто коло на Австралија опен.
Мечот траеше 2 часа и 16 минути и заврши во три сета – 6:3, 6:2 и 6:2.
Можеби ќе ве интересира
Ѓоковиќ сервираше пет аса, направи четири двојни грешки и реализираше шест од 16 брејк топки. Неговиот противник сервираше десет аса, направи четири двојни грешки и реализираше една од петте брејк топки.
Во третото коло, 38-годишниот Србин ќе се соочи со Ботик ван де Зандшулп од Холандија.
Вкупниот награден фонд на Грен слемот во Мелбурн изнесува 74,9 милиони долари.