МИРОТ ВО УКРАИНА Е ПОБЛИСКУ ОД КОГА Ѝ ДА Е Кои се петте столба на кои почива мировниот план на Трамп?
Трамп изјави дека „сега сме поблиску отколку кога било“, но клучните предизвици кои остануваат, се поврзани со безбедносните гаранции и статусот на Донбас.
Дводневните разговори во Берлин помеѓу претставниците на САД, Украина и европските сили завршија со досега најсилните сигнали за можен мировен договор. Иако претседателот Доналд Трамп изјави дека „сега сме поблиску отколку кога било“, клучните предизвици остануваат поврзани со безбедносните гаранции и статусот на Донбас.
Моментално се разгледуваат 5 одделни документи, односно 5 столба на мировниот план, кои вклучуваат:
„Правно обврзувачки“ гаранции: Моделирани според Членот 5 на НАТО, за кои би гласал американскиот Конгрес (без војници на САД на терен).
Мултинационални сили: Европски трупи кои би го обезбедувале украинското небо и море.
Мониторинг од САД: Механизам за следење на прекинот на огнот предводен од Вашингтон.
Силна украинска армија: Планирано ниво од 800.000 војници во мирнодопски услови.
Економска обнова: Планови за финансирање на повоеното закрепнување.
Зеленски ја оцени верзијата како „изводлива“, но нагласи дека секој детал е важен за да не стане „награда за руската агресија“. Идејата за „Божиќно примирје“ е веќе на маса, но Кремљ останува резервиран, барајќи трајно решение наместо само простор за здив на Украина.