СДСМ ОЧАЈНИЧКИ ГИ БРАНИ СВОИТЕ КРИМИНАЛЦИ Заев, Филипче и Николовски во глобалната криза мислеле на себе, рече Андоновска
Ако СДСМ сака да се реформира, мора да се огради и да се дистанцира од криминалците во своите редови, почнувајќи од Заев, Филипче и Николовски,рече денеска Викторија Андоновска од ВМРО-ДПМНЕ.
СДСМ очајнички ги брани криминалците од своите редови, како Трајан Димковски, кој по насока на Зоран Заев, Венко Филипче и Љупчо Николовски извршил отпис на 2.000 тони јачмен и пченица и го оштетил буџетот за близу 800.000 евра, рече денеска Викторија Андоновска од ВМРО-ДПМНЕ.
– Наместо да се оградат и да го осудат ваквото девијатно однесување на Димковси, тие ревносно го бранат криминалот вреден 800.000 евра. Во услови на глобална криза, за Заев, Филипче и Николовски приватниот интерес секогаш беше на прво место. Јавноста мора да знае, дали отпишале 2.000 тони јачмен и пченица од стоковите резерви, па преку Димковски овие продукти завршувале на црн пазар во соседна држава? Дали исто така, Димковски ќе одговара за сите овие тројца кои се прв ешалон на тогашната власт? Затоа ли Николовски е толку гласен деновиве? Дали во СДСМ има страв дека се одмотува клопчето и ќе се дознае вистината – рече Андоновска.
Ако СДСМ сака да се реформира, мора да се огради и да се дистанцира од криминалците во своите редови, почнувајќи од Заев, Филипче и Николовски, додаде Андоновска.