ЛЕВИЦА ГО ПОВИКА СДСМ ДА СЕ ПРЕСТРОИ ЗАД НЕА Во вториот круг Мециновиќ освои двојно повеќе гласови од првиот круг

Плус 30.500 гласа има освоено Амар од Чаир во вториот круг, што значи 100 отсто зголемување во однос на првиот круг, изјави вечерва лидерот на Левица Димитар Апасиев.

Според него, тоа значи дека опозициските тенденции веќе се престројуваат зад Левица.

– Ако треба да опишам со еден збор како помина вториот круг, тоа е – ВМРО стагнира, Левица дуплира. Од втора партија на ниво на Скопје, вечерва обзнанувам дека сме прва партија, дури и пред ВМРО-ДПМНЕ во Центар, во Карпош и во урбаниот дел од Аеродром. 66 проценти не излегоа на гласање, тоа е многу неинтелигетно решение. Две третини од скопјаните не гласаа, една третина гласаа. Од тие една третина една петина одлучија за сите нас. Амар е новото лице на Левица – рече Апасаив.

Тој го повика СДСМ да се престрои зад нивниот барјак за, како што рече, да го победат ВМРО-ДПМНЕ на следните парламентарни избори.

Апасиев рече дека потрошиле 16.000 евра за рекламирање на Фејсбук.

– Скопје се разбуди. Во следните 2 години Скопје самото ќе се мобилизира и на следните парламентарни избори Левица ќе претендира да биде прва партија во Скопје. На гласачите на СДСМ сакам да им порачам дека сметам дека ние сме вашата опција. После ова што се случи во Скопје, Левица ќе се врати посилна на следните парламентарни избори. Скопје ќе биде црвено – рече Мециновиќ и се заблагодари на сите гласачи што го поддржале.

Мециновиќ во првиот круг освои 30.665 гласа.