📽️ „ИМАВ СООБРАЌАЈКА УТРОВО, УДРИВ ВО ДРВО!“ Автомобилот на актерот е здробен по несреќата
Актерот и неговиот брат Стивен Болдвин имале сообраќајна несреќа во Ист Хемптон, кога нивното возило удрило во дрво, но за среќа никој не е повреден.
Американскиот актер Алек Болдвин бил вклучен во сообраќајна несреќа кога автомобилот што го возел удрил во дрво, потврдија локалните власти во САД.
Според информациите на ABC News, предниот дел од возилото бил сериозно оштетен, но Болдвин и неговиот брат Стивен, кој бил со него во автомобилот, поминале без повреди.
По инцидентот, актерот се огласи на Инстаграм и објасни дека се чувствува добро.
– Имав сообраќајна несреќа утрово. Добро сум – изјави Болдвин во кратко видео.
View this post on Instagram
Во пораката до своите следбеници, актерот објасни дека патот му го пресекол „камион за ѓубре со големина на кит“, поради што нагло свртил за да избегне судир и удрил во дрво. Притоа, го оштетил автомобилот на својата сопруга Хиларија Болдвин.
Тој им се заблагодари на полициските службеници во Ист Хемптон за нивната брза реакција и потврди дека веќе поднел пријава за настанот.