БОЛЕСТА НАПРЕДУВА, ПРИНЦЕЗАТА СЕ ПОВЛЕКУВА! По Кејт Мидлтон и норвешката принцеза Мете Мерит страда од сериозна болест

Норвешката принцеза Мете Мерит открила дека нејзиното здравје се влошило и дека во октомври се повлекува од кралските должности.

Откако ѝ била дијагностицирана хронична белодробна фиброза, болест што го отежнува дишењето и значително го менува квалитетот на животот, принцезата одлучила да започне интензивна рехабилитација и да се посвети на закрепнувањето.

Јавноста во Норвешка, но и низ цела Европа, е загрижена што уште една европска принцеза, покрај Кејт Мидлтон, се разболела толку сериозно.

Норвешката кралска куќа објави дека принцезата Мете Мерит ќе започне едномесечна белодробна рехабилитација на почетокот на октомври, поради што нема да ги извршува службените должности во текот на тој месец.

Таа се бори со неизлечива белодробна болест, која ѝ била откриена во 2018 година. Тогаш ѝ е дијагностицирана хронична белодробна фиброза, болест при која доаѓа до создавање лузни на белите дробови, што го отежнува дишењето и транспортот на кислород во крвта.

– Нејзиното кралско височество, крунската принцеза Мете Мерит, нема да ги извршува службените должности во октомври, со неколку исклучоци, како што е државната вечера за претставниците на Стортинг на 23 октомври – се вели во соопштението.

Враќањето на кралските должности е планирано за ноември.

На неодамнешниот настан во Норвешкиот национален музеј, принцезата отворено зборувала за својата состојба, откривајќи дека нејзината болест се влошила во текот на изминатата година и дека тоа е причината за нејзиното повлекување:

– Требаше да го направам ова одамна, но сега е вистинското време. Ќе го направам тоа затоа што ми треба повеќе помош отколку порано за да се изборам со секојдневието и со животот со белодробна фиброза – рекла принцезата.

52-годишната Мети Мерит додала дека е важно за неа да се поврзе со луѓе кои минуваат низ истата болест и да научи како подобро да управува со животот со хронична болест.

Во март, кралското семејство потврди дека болеста напредувала и нагласи дека должностите на принцезата ќе бидат прилагодени на нејзиното здравје во иднина.

– Принцезата секојдневно има симптоми и тегоби кои влијаат на нејзината способност да ги извршува своите должности, ѝ треба повеќе одмор, а нејзиниот дневен ритам се менува побрзо од порано. Сепак, таа има силна желба да продолжи да работи, па затоа ќе ја организираме нејзината програма така што ќе може да ги комбинира здравјето и должностите – е соопштено.

Што е хронична белодробна фиброза?

Тоа е сериозна и неизлечива белодробна болест. Белите дробови постепено добиваат лузни (ткивото станува фиброзно и тврдо), па ја губат еластичноста, што го отежнува нормалното дишење и внесувањето кислород во крвта.

Најчестите симптоми се тешкотии при дишење при напор (подоцна и во мирување), како и хронична сува кашлица, замор, губење на тежина и намалена физичка издржливост.

Болеста обично напредува бавно, но постојано. Со текот на времето, може да доведе до сериозна респираторна инсуфициенција (белите дробови не можат да внесат доволно кислород), што може да го скрати животниот век.

За жал, просечниот животен век од дијагнозата кај идиопатска белодробна фиброза (најчестата форма) е помеѓу 3 и 5 години, но тоа зависи од видот на фиброза, брзината на нејзината прогресија и третманот.

Некои пациенти живеат уште подолго, особено со добар медицински надзор и терапија. Не постои лек кој целосно ја лекува белодробната фиброза.

Постојат терапии кои можат да го забават напредувањето на болеста и да ги ублажат симптомите (лекови, кислородна терапија, рехабилитација). Во најтешките случаи, единствената долгорочна опција е трансплантација на бели дробови.

Значи, станува збор за сериозна и хронична болест која значително влијае на квалитетот на животот, но брзината на нејзиното напредување и сериозноста на симптомите може да бидат многу различни за секој пациент.

Додека принцезата Мете е подложена на процесот на лекување, нејзиниот сопруг, престолонаследникот Хаакон, ќе продолжи да ги извршува сите кралски должности.