📷 1.000 ЗАГИНАА, САМО ЕДЕН ПРЕЖИВЕА ВО СВЛЕЧИШТЕ ВО СУДАН Трагедијата доаѓа среде постојната хуманитарна криза
Пристапот до планините Мара во Дарфур е крајно ограничен за меѓународните спасувачки тимови поради тековните борби кои се водат во регионот и хуманитарната криза. Планините Мара важат за скривалиште на граѓаните кои бегаат од граѓанската војна која избувна во 2023 година. Многу од селата се на раб на глад.
Масовно лизгање на земјиште што се случи на 31 август го срамни селото Тарасин во планините Мара во Дарфур, при што загинаа над 1.000 луѓе. Би-Би-Си пренесува дека преживеал само еден човек.
Лизгањето на земјиште доаѓа по неколкудневни обилни дождови.
Суданското ослободително движење кое ја контролира областа апелира до Обединетите Нации и до меѓународните организации за помош во пронаоѓањето и откопувањето на телата. Но, пристапот е крајно ограничен поради тековните борби кои се водат во регионот.
كشفت السلطة المدنية في مناطق سيطرة حركة تحرير #السودان بقيادة عبد الواحد عن وفاة جميع سكان قرية ترسين في وسط جبل مرة نتيجة انزلاقات أرضية أمس الأحد.
الانزلاقات الأرضية المُدمّرة للقرية الواقعة في وسط جبل مرة حدثت بسبب الأمطار الغزيرة التي هطلت خلال الأسبوع الأخير من شهر أغسطس… pic.twitter.com/PFycp1xGbe— Sudan News (@Sudan_tweet) September 1, 2025
Планините Мара се вулкански венец високи преку 3.000 метри. Тие важат за едно од ретките скривалишта на цивили во бегство поради граѓанската војна што избувна во Судан во април 2023 година меѓу армијата и Силите за брза поддршка.
Конфликтот доведе до тешка хуманитарна криза. Стотици илјади лица загинаа, милиони се раселени, а делови од Дарфур се на работ на глад.