🎥 НЕОЧЕКУВАНИ ГОСТИ НА АЕРОДРОМОТ ВО СКОПЈЕ Ноќеска се одвивала вистинска драма со летот Крит-Белград
Официјално било наведено дека белградскиот аеродром не работи и дека не прима авиони. Патниците дури ја контактирале и српската амбасада, но од таму им било кажано дека ништо не може да се стори.
Летот на „Виз ер“ од Крит кон Белград, кој требаше да полета петнаесетина минути по полноќ, заврши со вистинска драма – наместо во српската престолнина, патниците утринава околу 4 часот слетаа во Скопје, јави српскиот портал Н1.
Патничката Јелена раскажала дека никој не добил информација за откажување на летот, туку на секој час им пристигнувале пораки за нови одложувања.
По долгиот престој, авионот конечно полетал во 4:20 часот, но наместо во Белград, слетал во Скопје.
„На аеродромот сите беа збунети – и полицијата и службениците, бидејќи ‘Виз ер’ им пријавил дека слетува празен авион, а всушност од него излегоа околу 200 патници“, вели таа.
Според сведочењето, патниците биле задржани во авионот без објаснување, а една жена пријавила здравствени проблеми.
„Пилотот само рече дека неговото работно време завршува и дека информации ќе добиеме на аеродромот. Но таму, никој не знаеше ништо“, додаде Јелена.
Официјално било наведено дека белградскиот аеродром не работи и дека не прима авиони. Патниците дури ја контактирале и српската амбасада, но од таму им било кажано дека ништо не може да се стори.
Дури по силно инсистирање на патниците, аеродромот во Скопје обезбедил автобус кој ги превезол до Белград.
Видеото од патниците на скопскиот аеродром погледнете го ТУКА.