18.132 КАЗНИ ЗА 20 ДЕНА, ПОЛИЦИЈАТА ПОВЕЌЕ НЕ ПРОСТУВА Над 6.000 санкции за брзо возење, а 1.500 лица возеле без дозвола
Ригорозни контроли низ Македонија, откриени прекршители без дозвола, пијани возачи и пекршоци за пешаци.
Полициските службеници од сите осум сектори за внатрешни работи при БЈБ на МВР во периодот од 1 до 20 февруари издале дури 18.132 платни налози за прекршоци во сообраќајот.
Најчести причини за казнување се:
– Пречекорување на брзината – 6.056 случаи
– Непрописно паркирање – 4.213 случаи
– Непоседување возачка дозвола – 1.510 случаи
Полицијата секојдневно открива прекршители
Во текот на вчерашниот ден (20.02.), издадени се 864 казни, од кои:
– 273 за брзо возење
– 270 за непрописно паркирање
– 58 за возење без возачка дозвола
– 33 за некористење сигурносен појас
– 28 за зборување на мобилен телефон
Покрај ова, 14 пешаци направиле прекршоци, седум возачи биле фатени со алкохол во крвта, а тројца поминале на црвено светло.
Дополнително, 21 нерегистрирано возило е отстрането од сообраќај, согласно Законот за возила.
Од МВР апелираат на поголема внимателност и почитување на сообраќајните правила за зголемување на безбедноста на патиштата.