ВОЗАЧИТЕ ТЕШКО УЧАТ ОД ГЛОБИ Полицијата во еден ден изрече 864 казни
Министерството за внатрешни работи продолжува со засилените сообраќајни контроли, имајќи за цел да го подобри патниот ред и да го намали бројот на сообраќајни несреќи во државата.
Полицијата вчера, како дел од континуираните контроли, изрече 864 платни налози, од кои 465 беа успешно наплатени. Најголемиот број прекршоци беа поврзани со непочитување на брзинските лимити и непрописно паркирање, соодветно 262 и 201 казни.
Статистиката покажува дека 67 лица управувале возила без возачки дозволи, додека 49 случаи се однесувале на некористење сигурносен појас и 36 на користење мобилен телефон при возење.
Полициските служби исто така регистрираа 21 прекршок меѓу пешаците и 7 случаи на возачи со недозволено ниво на алкохол во крвта. Во рамки на Скопје беа изречени најголемиот број санкции, што е очекувано со оглед на фрекфентноста на сообраќајот во главниот град.
Министерството за внатрешни работи продолжува со засилените сообраќајни контроли, имајќи за цел да го подобри патниот ред и да го намали бројот на сообраќајни несреќи во државата.
Инаку во текот на минатата година, Одделението за превенција при Секторот за внатрешни работи Скопје спроведе над деведесет едукативно-превентивни активности за подобрување на безбедноста на сообраќајот, како дел од соработката со Републичкиот совет за безбедност на сообраќајот и други институции. Меѓу нив се вклучени кампањи, трибини и работилници, како и редовни сообраќајни поуки за возачи, кои се одржани во полициските станици. Целта на овие активности е да се подигне општата свесност за безбедноста на патиштата во земјата.