📽️ УКРАИНА ГО НАПАДНА ТАТАРСТАН Гори хемиска фабрика во Казан

Рано утринава украински беспилотни летала ја нападнале хемиската фабрика „Казан Оргинтез“ во Руската Република Татарстан, а пожарот зафатил три цистерни со гас лоцирани во тој објект.

РБК Украина ги пренесува изјавите на очевидците кои први слушнале дронови над селото Осиновка, по што следела експлозија во фабриката.

Поради овој напад привремено беа затворени аеродромите во Казан, Саратов, Пенза и Улјановск, откако еден час претходно беа прекинати летовите на аеродромите во Калуга и Тамбов.

Ноќта пред овој напад беше извршен напад на друга руска хемиска фабрика во пограничниот регион Брјанск.

Киев Индипендент пишува дека после тоа АСТРА објави дека хемиската фабрика во регионот Брјанск најверојатно била погодена од ракети со долг дострел ATACMS кои Украина ги добила од САД.

Ukrainian drones hit Russia’s Orgsintez chemical plant in Kazan — three tanks in flames.

Meanwhile, Russian airports in Kazan, Kaluga, Saratov, Tambov, Penza, and Ulyanovsk have been temporarily closed due to a massive UAV attack. pic.twitter.com/qKefVBECf4

— KyivPost (@KyivPost) January 14, 2025

Се наведува дека по извесно време руските власти потврдиле дека во фабриката избувнал голем пожар.

Каналот АСТРА на Телеграм го објави медиумот Вечерњаја Казањ дека не била зафатена самата фабрика, туку магацините за течен гас во нејзините простории.

Властите на Татарстан испратија пожарникари да го изгаснат пожарот, но пламенот се уште не е под контрола.

– Во 5. 20 часот  утринава, во предградието на Казан се запали цистерна со гас по напад на беспилотно летало. Нема извештаи за жртви – соопшти прес-службата на лидерот на Татарстан.

Според информациите од медиумите, оваа фабрика е единствениот руски производител на екстремно силни пластични материјали – поликарбонат, севилен и металоцен полиетилен и е еден од најголемите производители на полиетилен со висока и ниска густина во Русија.

Overnight, more than 100 drones attacked Russia, with explosions reported in 12 regions. Fires broke out at the Orgsintez plant in Kazan and an oil depot in Engels, while explosions were heard in Tambov, Voronezh, Tula, Orel, and Rostov regions. Airports in four cities were… pic.twitter.com/by36E0B5lg

— NOELREPORTS 🇪🇺 🇺🇦 (@NOELreports) January 14, 2025

Покрај тоа, индустриска зграда е оштетена во напад со дрон врз Енгелс, во областа Саратов, која се наоѓа на околу 700 километри југоисточно од Москва и на околу 500 километри од украинската граница, напиша преку Телеграм регионалниот гувернер Роман Бусаргин.

Тој рече дека наставата во училиштата во Саратов и Енгелс денеска ќе се одржува од далечина поради напади со беспилотни летала.

На 8 јануари, Енгелс исто така беше цел на голем напад со беспилотни летала што предизвика пожар во нафтениот комплекс.

Според властите, двајца пожарникари загинале во тој пожар, кој бил ставен под контрола дури пет дена по неговото избувнување.