„БЛАГОДАРАМ, ЖИЗЕЛ ПЕЛИКО, СЕ СООЧИВТЕ СО КРЕНАТА ГЛАВА“ Макрон ѝ оддаде почит на жртвата на сексуално злоставување
Францускиот претседател, Емануел Макрон, објави трогателен текст во кој ѝ изразува почит и благодарност на французинката Жизел Пелико која се соочи со тешка траума откако со години трпела сексуално злоставување од нејзиниот сопруг.
Претседателот на Франција, Емануел Макрон, ѝ оддаде почит за борбата на Жизел Пелико, еден ден по завршувањето на судењето за масовно силување во Авињон, во кое нејзиниот поранешен сопруг беше прогласен за виновен и осуден на 20 години затвор.
„Благодарам, Жизел Пелико. Во име на правдата, со крената глава се соочивте со судењето. За жените кои секогаш ќе имаат пионер на кого ќе можат да му се обратат… За сите нас бидејќи вашето достоинство и вашата храброст ги поттикнаа и ги инспирираа Франција и светот“, напиша Макрон на Икс.
Поранешниот сопруг на Жизел, Доминик Пелико, призна вина дека речиси 10 години ја дрогирал и ѝ носел мажи да ја силуваат додека таа била во бессознание, а тој снимал.
Судот во Авињон вчера го осуди Доминик и уште 50 мажи кои се осудени на казна затвор од 3 до 15 години.
Жизел претпоставува дека претрпела околу 200 силувања.
Случајот „Пелико“ повторно ја поттикна дебатата за казненото законодавство поврзано со сексуалното насилство.