СИТЕ ЗНАЕЛЕ ЗА МАТНИТЕ ЗДЕЛКИ И ЗА ТЕНДЕРИТЕ ВО ЧЕТИРИ ОЧИ, АМА МОЛЧЕЛЕ Функционери од СДСМ шурувале со криминални банди, обвини ВМРО-ДПМНЕ

Артан Груби со години ја крадел државата, а за тоа знаеле и СДСМ и ДУИ и МВР под водство на Оливер Спасовски, обвини ВМРО-ДПМНЕ преку соопштение.

„Сите знаеле за матните зделки, тендерите во четири очи, влијанието врз судството, криминалот и корупцијата и молчеле. Молчеле само поради една причина, а тоа е да не падне владата и да опстане коалицијата СДСМ-ДУИ. Димитар Ковачевски му бил соучесник во криминалот на Артан Груби. Оливер Спасовски и МВР, исто така, знаеле за криминалот на Груби и не реагирале. Молчеле и не реагирале, со години немало никаква реакција од институциите под раководство на СДСМ и ДУИ. Само за да опстане коалицијата ден повеќе на власт и да продолжат криминалните зделки и богатењето на грбот на граѓаните. СДСМ се виновни за ширењето на криминалот и корупцијата на ниво на пандемиски рамери. СДСМ се виновни за грабежот на Груби поради тоа што знаеле и имале можност, но не го спречиле од лукративни причини. Во СДСМ ништо не се менува и ден денес истите луѓе на Заев, Ковачевски, а сега Филипче повторно се таму. Истиот профил и ментална матрица на луѓе кои не носат нови, свежи и иновативни идеи за просперитетна иднина, туку се заглавени и испреплеткани во лавиринтите од минатото. СДСМ наместо да спинува и да ја манипулира јавноста со евтини трикови, да се засрами затоа што функционери од СДСМ шурувале со криминални банди и структури и да го повика Груби да одговори пред правдата. Нема повеќе место за криминалци во политиката, време е за одговорност и посветеност, нешто што беше реткост да се види изминатите години“, се вели во соопштението.