БИТКАТА НА ДВАТА ГОЛЕМИ МОБИЛНИ ОПЕРАТОРИ Повеќе претплатници има А1 Македонија, но Телеком има поголеми приходи
Од вкупниот број, 679.245 се претплатници на резиденцијални припеид тарифи, а 992.157 претплатници користат постпеид тарифи. Бројот на деловни постпеид претплатници е 248.293. Во овој период се реализирани вкупно 1.409.062.356 минути разговор.
Во Македонија има 1.919.695 активни претплатници во вториот квартал од годината, а што претставува значителен раст во користењето на мобилни услуги, пишува во податоците од Извештајот на Агенцијата за електронски комуникации
Од вкупниот број, 679.245 се претплатници на резиденцијални припеид тарифи, а 992.157 претплатници користат постпеид тарифи. Бројот на деловни постпеид претплатници е 248.293. Во овој период се реализирани вкупно 1.409.062.356 минути разговор.
Од аспект на интернет пристапот, бројот на претплатници со мобилен интернет преку широк и тесен опсег (2G/3G/4G) изнесува 1.549.967.
Пазарни удели на операторите
Од вкупниот број претплатници, најголем удел има А1 Македонија со 47,9%, следен од Македонски Телеком со 46,57%. Помал удел имаат Лајкамобајл (3,05%), Телекабел (1,29%), МТЕЛ (1,08%), и Греен мобиле (0,11%).
Приходи од мобилни комуникациски услуги
Во вториот квартал од 2024 година, Македонски Телеком генерира најголем приход од мобилни комуникациски услуги со удел од 49,96%, додека А1 Македонија има удел од 46,93%. Помал удел имаат МТЕЛ (1,39%), Телекабел (0,88%), Лајкамобајл (0,71%) и Греен мобиле (0,13%).
Фиксни линии и телефонски сообраќај
Вкупниот број на фиксни линии изнесува 449.868, а реализиран е 16.943.729 минути телефонски сообраќај.