📷 ПОЖАРОТ ВО ДОЈРАН СЕ ГАСИ СО ХЕЛИКОПТЕР Има опасност од експлозии на неексплодирани гранати
Во гаснењето на пожарот е вклучен еден хеликоптер во овој момент. Како што информираат од ЦУК леталото дејствува многу бргу, бидејќи брзо полни вода од езерото и ја исфрла врз запалената површина.
Од Центарот за управување со кризи информираат дека на почетокот на Стар Дојран од десната страна се одбранети куќите да не се запалат, но опасно е поради експлозии од неексплодирани гранати од минатите војни.
Попладнево има активен пожар во Стар Дојран каде беа зафатени и три куќи. Во гаснењето на пожарот е вклучен еден хеликоптер во овој момент. Како што информираат од ЦУК леталото дејствува многу бргу, бидејќи брзо полни вода од езерото и ја исфрла врз запалената површина.
Инаку претходно беше извршена евакуација на граѓаните, засега нема повредени.
Според информациите, пожарот првично избил на депонијата, а поради ветрот се шири и кон градот.
Градоначалникот Анго Ангов вели дека овој пожар е подметнат.
– Апелираме за помош од Дирекцијата за заштита за и спасување, бидејќи досега не успеваме да се справиме со огнената стихија која под налетите на силниот ветрот се шири многу бргу. Пожарот најверојатно е подметнат, бидејќи на местото каде што гори пронајдевме канти од моторно масло – изјави градоначалникот Анго Ангов.
СЕ ЕВАКУИРААТ ЖИТЕЛИ НА ДОЈРАН Пожарот зафатил 3 куќи, депонијата била заклучена за пожарникарите