🎥 НИКОЛА ЈОКИЌ ГО НАДМИНА И ЛЕБРОН ЏЕЈМС Фанатастично постигнување на српскиот кошаркар
Српскиот кошаркар во дресот на Денвер нагетс стана најмладиот играч со постигнати 13.000 поени, 6.000 скока и 3.000 асистенции во НБА.
Никола Јокиќ стана најмладиот кошаркар во историјата на НБА кој стигна до учинок од 13.000 поени, 6.000 скока и 4.000 асистенции со што го надмина и легендарниот Леброн Џејмс. Но вечрта кога Јокиќ го запиша историското достигнување не беше крунисана со победата на Денвер, кој беше поразен од Јута со 111:124.
Центарот на актуелниот шампион на најсилната кошаркарска лига во светот, мечот го заврши со 27 поени, 11 скока и шест асистенции, а споменатиот рекорд го постигна со неполни 29 години, со што ќе го престигне Леброн Џејмс, кој во моментот на поставување на рекордот имал 29 години и 82 дена.
На оваа средба Јута водеше со 23 разлика, па на крајот, кога ќе се повлече линијата, Нагетс можат да бидат задоволни што мечот го завршија со минус од само 13 поени.
И покрај поразот, Јокиќ го одбележа мечот освен со рекордот и со феноменална асистенција која ја воодушеви Америка!
Јокиќ во првата минута од играта го имаше најдоброто додавање на натпреварот! Центарот на Денвер имаше дефанзивен скок под својот кош по промашувањето на Јута, а потоа без многу двоумење ја фрли топката дијагонално, преку целиот терен директно во рацете на Мајкл Портер Јуниор, кој истрча фантастичен контранапад и ги постигна првите поени на мечот.
Joker full-court DIME 😮💨
📺 Nuggets-Jazz | Live on ESPN pic.twitter.com/9RWR2V8Y8K
— NBA (@NBA) January 11, 2024