УБИЕН ШЕФОТ НА ГРАНИЧНИОТ ПРЕМИН РАФАХ Израел го бомбардира единствениот излез од Газа
Стотици луѓе со денови чекаат да излезат од Појасот Газа преку Рафах бидејќи тој требаше да биде отворен вчера наутро.
Директорот на управата на граничниот премнин Рафах, генерал-мајор Фуад Абу Бутихан е убиен, објави NBC цитирајќи арапски медиуми. Тој наводно загинал откако израелски ракети ја погодиле неговата куќа, но тоа не е потврдено.
Израел претходно соопшти дека извршува воени напади врз милитантите на Хамас во Рафах.
Генерал-мајор Бутихан е шеф на границите и премините на Газа, кои го вклучуваат и преминот Рафах на границата со Египет. Стотици луѓе со денови чекаат да излезат од Појасот Газа преку Рафах бидејќи тој требаше да биде отворен вчера наутро.
САД и другите земји извршија дипломатски притисок да се отвори преминот за помош и за излез на двојни и странски државјани.
Но, преминот останува затворен, а Израел и Хамас велат дека нема прекин на огнот.