БАЛКАНСКОТО ТЛО НЕ МИРУВА Потреси во Србија и во Хрватска

По утринскиот земјотрес во Краљево од 2,4 степени, ново тресење на тлото во Србија е регистрирано кај Бор во источна Србија, соопшти Сеизмолошкиот завод на Србија.

Неговата магнитуда била 1,6 степени според Рихтеровата скала, а се случила околу 9 часот наутро. За среќа, овој земјотрес беше слаб и не предизвика материјална штета.

Утрово слаби потреси се регистрани и во Хрватска.

Земјотрес со јачина од 2,3 степени според Рихтеровата скала е почувствуван во Хрватска со епицентар на 13 километри од Сисак.