ЈА ИРОНИЗИРАВ ГРДАТА БЛОКАДА КОН СЕВЕРНА МАКЕДОНИЈА Рама твитна дека се кренала хистерија кон Ковачевски

Албанскиот премиер Еди Рама на својот профил на Твитер денеска објасни дека на Самитот во Солун кој го организираше грчкиот премиер Киријакос Мицотакис, при ракувањето со германскиот канцелар Олаф Шолц ја иронизирал блокадата на Бугарија кон Македонија.

Шегата на албанскиот премиер Еди Рама предизвика бура негативни реакции во јавноста. По овој повод денеска Рама се огласи на Твитер.

„Хистеријата кон премиерот Ковачевски на некои во Скопје по објавувањето на видеото од ракувањето со канцеларот Шолц во Солун, каде ја иронизирав грдата блокада на Северна Македонија од страна на Бугарија е за смеење и за плачење. Кавга во меана над чадот од ќофтињата“, напиша Рама.

Për të qeshur dhe qarë histeria e disave në Shkup ndaj kryeministrit Kovaçevski, pas publikimit të videos së duarshtrëngimeve me Kancelarin Scholz në Selanik, ku ironizova bllokadën e shëmtuar ndaj Maqedonisë së Veriut nga ana e Bullgarisë! Sherr mejhaneje mes tymit të qofteve🤮 pic.twitter.com/x9jzAyD3AE

— Edi Rama (@ediramaal) June 12, 2022

Како што е веќе познато, при нивната средба со германскиот канцелар Олаф Шолц во Солун, Рама му кажа на Шолц дека Ковачевски е „иден премиер на Западна Бугарија“.