ДОЈДИ ВО ЧЕЧЕНИЈА, ПА ОД ИЛОНА ДА СТАНЕШ ИЛОН Кадиров му порача на Маск да не го предизвикува Путин

Лидерот на рускиот регион Чеченија и сојузник на рускиот претседател Владимир Путин, Рамзан Кадиров му одговори на милијардерот Илон Маск.

– Маск, не би те советувал да се натпреваруваш со Путин. Вие сте премногу различни категории по тежина. А не станува збор ни за боречки вештини или, на пример, џудо. Како го замислуваш тоа – запраша Кадиров на Телеграм.

Како што рече, во таа борба Маск би бил во црвениот агол на рингот, како бизнисмен и блогер на Твитер.

– Путин, во синиот агол, е светски политичар, стратег. Владимир Владимирович би изгледал неспортски кога ќе победи послаб противник – рече Кадиров.

Тој предлага Маск да вежба, како од „нежниот Илон би станал бруталниот Илон“.

– Ти предлагам да поминеш обука во неколку центри во Чеченската Република. На Универзитетот на руските специјални сили, тука ќе поминеш тешка обука. Ќе те учат светски шампиони меѓу тимовите за специјални сили кои ги победија американските специјални сили во 2015 година. Во боречкиот клуб „Ахмат“, тука ќе те научат како да примиш удар, бидејќи овој квалитет ќе ти биде потребен во секоја борба, а под водство на Абузаид Висмурадов, брзо ќе излезеш подготвени не само физички, туку и психички, а и ќе добиеш челични нерви – кажа тој.

– Ќе се вратиш од Чеченија како сосема друга личност, Илона, односно Илон – додаде Кадиров.

Основачот на Tesla и SpaceX го предизвика рускиот претседател Владимир Путин на Twitter во борба еден на еден – победник ја добива Украина.

– Го предизвикувам Владимир Путин на борба еден на еден – напиша милијардерот, користејќи руско писмо за да го напише името на Путин.