ОБИЛЕН СНЕГ НА КОЛОВОЗОТ Забрана за камиони на патните правци Мврово – Дебар и Струга – Ќафасан

Поради обилни врнежи на снег, утрово од 6.20 часот воведена е забрана за движење на товарни моторни возила на патото Маврово – Дебар. Забрана за камиони од 7.45 часот има и на патниот правец Струга-Ќафасан, соопшти АМСМ.

Сообраќајот на другите патишта се одвива непречено. Снег паѓа во западниот дел на државата.

Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.