СОНЧЕВО И ВЕТРОВИТО Во североисточните делови ќе снежи

Времето денеска ќе биде сончево со мала до умерена облачност, а во крајните североисточни делови облачно со слаб снег. Попладне ќе биде претежно сончево. Ќе дува засилен ветер од северен правец, особено вдолж Повардарието и во источните делови.

Минималната температура во интервал од -4 до 3, а максималната ќе достигне од 1 до 9 степени.

Во Скопје сончево, претпладне со мала облачност. Ќе дува засилен северен ветер.

Минималната температура ќе се спушти до -2, а максималната ќе достигне 6 степени.