ДА МУ ПОМОГНЕМЕ НА ЗАЕВ ДА СИ ПОДНЕСЕ ОСТАВКА Мицкоски не верува дека премиерот ќе си стои на зборот
Не би ме изненадило доколку по 31 октомври ја промени својата изјава, знаеме дека во минатото и жици се спомнуваа и се колнеше, но не држеше до кажаниот збор, рече лидерот на ВМРО-ДПМНЕ, Христијан Мицкоски.
Јас кажував во моите говори дека волкот влакното го менува, ама не и карактерот. Навиканти сме на променливите позиции на Зоран Заев во изминативе 52 месеци откако е претседател на владата, но и претходно откако е активен во политиката, рече денеска лидерот на ВМРО-ДПМНЕ, Христијан Мицкоски одговарајќи на новинарско прашање како ја коментира изјавата на Заев дека доколку во вториот круг го изгуби Скопје и поголемиот број од општини ќе си даде даде оставка.
– Не би ме изненадило доколку по 31 октомври ја промени својата изјава, знаеме дека во минатото и жици се спомнуваа и се колнеше, но не држеше до кажаниот збор – кажа Мицкоски.
Според него на 31 октомври народот ќе му помогне на Заев да донесе одлука.
– Она што мислам дека ќе се случи на 31 октомври е народот ќе му помогне да ја донесе вистинската одлука која ја кажа, а тоа е дека ако ги изгуби и изборите ќе се повелече. Па јас го повикувам народот тоа што го направи на 17 октомври да го направи и на 31 октомври и да му помогне на Зоран Заев да ја донесе вистинската одлука, бидејќи тоа е вистинска одлука за народот и за државата Македонија – рече Мицкоски.