ПОСЛЕДЕН ДЕН ЗА ПОПИШУВАЊЕ Статистика уверена дека ќе стаса да ги попише сите
Нас ни е битно да бидат опфатени сите објекти за домување. Ние имаме своја технологија по која го следиме процесот и ќе знаеме дали и кога точно ќе го завршиме процесот. Согласно сегашните процеси, очекуваме и уверени сме дека ќе завршиме во законскиот рок, изјави директорот на Сатистика Апостол Симовски.
Согласно Законот за попис, денеска е последниот 26-ти ден од Пописот на населението, домаќинствата и становите во Македонија 2021 година. До вчера во земјава се попишани вкупно 1.760.194 лица, 546.080 домаќинства и 789.406 станови, додека можноста за самопопишување на лица во странство, досега ја искористиле 201.247 граѓани од дијаспората.
Продолжување на Пописот засега не е побарано од Државниот завод за статистика, кој, како што посочи вчера владиниот портпарол Душко Арсовски, ќе го има последниот збор за тоа.
Директорот на ДЗС Апостол Симовски, вчера изрази уверување дека Пописот ќе заврши во законскиот рок и потврди дека досега немаат побарано продолжување.
– Нас ни е битно да бидат опфатени сите објекти за домување. Ние имаме своја технологија по која го следиме процесот и ќе знаеме дали и кога точно ќе го завршиме процесот. Согласно сегашните процеси, очекуваме и уверени сме дека ќе завршиме во законскиот рок – изјави Симовски.