Авион се приземји во Сплит заради дојава за бомба
Авионот кој летал од Прага до Сплит бил на „Смартвингс“ - најголемата чешка авиокомпанија која има свои претставништва и во Полска, Словачка и Унгарија. Патниците се евакуирани, а истрагата е во тек.
Чешки авион пред еден час слета во Сплит заради дојава за бомба, а сите патници биле брзо евакуирани. Авионот „Смартвингс“ кој тргнал од Прага морал брзо да слета затоа што некој во полицијата јавил дека внатре има бомба.
Можеби ќе ве интересира
Антиексплозивната служба и други полициски единици во моментов го проверуваат авионот според стандардните протоколи, јавуваат за Индекс, од хрватското министерство за внатрешни работи. Тие објаснија дека аеродромот во Сплит ќе продолжи да функционира, а дека авионот бил тргнат на страна.
„Смартвингс“ е најголемата чешка авиокомпанија која има свои претставништва и во Полска, Словачка и Унгарија. Нејзиното седиште е на аеродромот Вацлав Хавел во Прага, а авионот бил ефтина линија на релација Прага-Сплит.