Велосипедист тешко повреден во сообраќајка во Прилеп, возачот на автомобилот избегал
По преземени мерки, Т.Д. и возилото биле пронајдени и по целосно документирање на случајот ќе биде поднесена соодветна пријава.
Велосипедист е повреден во сообраќајна несреќа која вчера во 18.30 часот е пријавено дека се случила на ул.„Трајко Николовски“ во Прилеп.
– Во несреќата учествувале автомобил „фолксваген голф“ со прилепски регистарски ознаки, управуван од Т.Д.(34) од Прилеп и велосипед управуван од Ц.Р.(34) од Прилеп, по што Т.Д. со возилото го напуштил местото. Во незгодата, Ц.Р. се здобил со тешки телесни повреди, констатирани во Градската болница Прилеп – информира МВР.
По преземени мерки, Т.Д. и возилото биле пронајдени и по целосно документирање на случајот ќе биде поднесена соодветна пријава.
Увид на местото извршила увидна екипа на Полициската станица Прилеп.