Жена и двајца мажи преживеале еден месец на пуст остров: Се хранеле со стаорци! ФОТО
Американската крајбрежна стража спасила тројца Кубанци од ненаселен остров во близина на Бахамите, кои биле изгубени 33 денови!
Се работи за жена и двајца мажи, кои, како што се наведува, преживеале хранејќи се со кокос, школки и стаорци.
„Неверојатно е што успеале да преживеат толку долго“, рекол еден од спасувачите.
Кубанците биле забележани на остров кој се наоѓа помеѓу Флорида Кис и Куба.
За време на редовната патрола, членови на хеликоптерскиот екипаж забележале дека мавтаат со импровизирани знамиња на гребенот на Ангила.
Од хеликоптерот на островот спуштиле радио, храна, вода, а дури другиот ден ги спасиле од лошите временски услови.
Како што се наведува, не биле повредени, но биле пренесени во медицински центар на Флорида за комплетен преглед.
Таму било утврдено дека дехидрирале и покажувале знаци на замор, но биле во одлична состојба со оглед на тоа колку долго биле препуштени сами на себе.
„Им било тешко, бидејќи немале вода за пиење“, рекол Мајк Алерт, пилот на хеликоптерот.
Тројцата Кубанци им рекле на припадниците на крајбрежната стража дека пред пет недели нивниот брод потонал во бурното море и дека сами допливале до островот.
#UPDATE @USCG rescued the 3 Cuban nationals stranded on Anguilla Cay. A helicopter crew transferred the 2 men & 1 woman to Lower Keys Medical Center with no reported injuries. More details to follow.#D7 #USCG #Ready #Relevant #Responsive pic.twitter.com/4kX5WJJhs8
— USCGSoutheast (@USCGSoutheast) February 9, 2021