Најновите патики на „Nike“ за лицата со попреченост, но и за оние кои не сакаат врвки (ВИДЕО)
Среде патиката има механизам што прави обувката да се витка, при што ногата ќе може лесно да се стави во неа. Потоа, патиката веднаш се исправа
Компанијата „Nike“ во продажба ќе пушти тн. „handsfree“ патики, коишто се обуваат како влечки, без употреба на рацете. Новиот производ е замислен како олеснување за лицата со попреченост, за кои обувањето е вистински предизвик.
По изглед, новите спортски обувки нема да се разликуваат од традиционалните. Но, внатре во нив лежи клучот… Среде патиката има механизам што прави обувката да се витка, при што ногата ќе може лесно да се стави во неа. Потоа, патиката веднаш се исправа.
Можеби ќе ве интересира
Називот на новите патики е „Nike GO FlyEase“. Ќе бидат достапни во три комбинации – бела и зелена, бела и црвена и бела и сина боја. Се очекува тие да се најдат во продажба од 15 февруари и цената ќе изнесува 120 американски долари (100 евра).