Каракачанов повторно се заканува: Македонија уште долго ќе чека пред портите на ЕУ

Во денешното телевизиско гостување на БТВ, бугарскиот вицепремиер Красимир Каракачанов рече дека Македонија уште долго време ќе чека пред портите на ЕУ доколку и понатаму продолжи да се однесува како држава која ѝ е ментор на Бугарија.

– Бугарија има право да побара да се исполнат некои услови од земјите кои се кандидатки за членство во Унијата. Меѓу нив, секако е прашањето за нашата национална сигурност. Нема да можеме понатаму со инаетот кој го гледаме во Скопје. Тие велат „ние сакаме“, но и јас можеби сакам многу работи, ама не можам да сакам нешто што не е мое. Тие претендираат кон бугарска историја, без притоа да упатат јавно извинување за вознемирувањето на Бугарите – посочи Каракачанов.