Се утврдува дали Лацио ги прекршил протоколите

Италијанската фудбалска федерација почна истрага против Лацио за можни прекршувања на здравствениот протокол во клупската база.

Фудбалерите на Лацио кои се подготвуваат за утрешниот натпревар во Лигата на шампионите против Зенит, се под истрага за напуштање на клупската база без дозвола на властите.

Италијанската фудбалска федерација има за цел да ја провери исправноста на тестовите за Ковид-19 извршени во изминатите денови на клубот.

Лацио патува за Русија без клучни играчи како Чиро Имобиле, Луис Алберто, Лукас Леива, Томас Стракоша и Мануел Лаџари.