Народна банка: Дозволата за работење на Еуростандард банка е укината на 12 август не на 1 јуни 2020 година
Од Народна банка реагираат на споделување на решение поврзано со работата на Еуростандард банка на социјалните мрежи.
Решението бр.15-14082/1 од 1 јуни 2020 година, што се споделува на социјалните мрежи со штембил на Еуростандард банка АД Скопје, не е документ со кој се укинува дозволата за основање и работење на Еуростандард банка АД Скопје, соопштија денеска од Кабеинетот на гувернерката на Народната банка.
„Со ова решение, на Банката, согласно со Законот за банките ѝ беше повлечена согласноста за извршување само на одреден вид финансиски активности – тргување со хартии од вредност во странство, финансиски деривати и сл., за коишто не ги исполнуваше посебните законски услови за да ги извршува.За истото беше информиран и регулаторот на пазарот на капитал“ појаснуваат од Народна банка.
Од Народна банка информираат дека датумот на укинувањето на дозволата за основање и работење на Еуростандард банка АД Скопје, е со Решението бр. 15-20139/1 од 12 август 2020 година.