Поплавени улиците во Кисела Вода, пливаат подрумите во Зелениково (ВИДЕО)

Невремето со силен дожд кое вечерва го зафати Скопје, ги поплави улиците и булеварите и предизвика големи потешкотии во сообраќајот, пренесува „А1он“

На снимка од населбата Кисела Вода се гледаат вистински реки и преплавени шахти за атмосферска канализација, а поплавени се речиси сите улици во населбата.

Невремето им создаде големи главоболки и на жителите на селото Зелениково, бидејќи, како што сведочат снимките што ги објави ТВ21, дел од жителите се надвор од своите домови и на сите начини се справуваат со надојдената вода која ги полни нивните подруми.