На Криволак уништени гранати од Првата и Втората светска војна
Се работи за неексплодирани убојни средства од различен калибар кои се пронајдени од страна на пиротехничарите на повеќе локации на нашата земја и потекнуваат од Првата и Втората светска војна, - информираат од Диртекцијата.
Неексплодирани гранати од Првата и Втората светска војна вчера беа уништени на Армискиот полигон Криволак од страна на пиротехничарите од Дирекцијата за заштита и спасување.
– Се работи за неексплодирани убојни средства од различен калибар кои се пронајдени од страна на пиротехничарите на повеќе локации на нашата земја и потекнуваат од Првата и Втората светска војна – информираат од Дирекцијата.
На операцијата присуствувал и директорот на Дирекцијата за заштита и спасување Аднан Џафероски, при што му биле презентирани најсовремените средства за уништување на НУС, кои биле набавени од страна на Дирекцијата.
Џаферовски, како што соопштија од ДЗС, ја искористил приликата да им да се обрати на пиротехничарите за решавање на нивниот статус, набавка на нова опрема и подобрување на условите за работа.
– Директорот ја истакна и потребата од вработување на млади пиротехничари и нивна обука за потребите на Дирекцијата за заштита и спасување и за потребите на нашата земја, информираат од ДЗС.